Կլոր Բլոգ

Ախր այ Ջիվան պապիկ ջան ոնց ժողովուրդը հանգիստ վերաբերվի ես ամեն ինչին։ Ախր համաձայնվեք, որ իրոք լկտիություն ա, լրբություն, անզսպություն։
Կհիշեք Դուք Ֆրանսիայի արքա Լուդովիկոս XVI կնոջ Մարի-Անտուանետի հայտնի խոսքը։ Եթե մոռացել եք հիշեցնեմ, երբ նրան ասւմ են որ ժողովուրդը հաց չունի ուտելու, պատասխանում ա հաց չունեն թող խմորեղեն ուտեն։ Հիմա լրիվ նույն տպավորությունն ա Ձեր Տաշիրից հետո։
Մի քանի օր առաջ հեռուստացույցով ցույց էին տալիս մի գյումրեցի ընտանիքի, որոնց բնակարանի սենյակներից մեկի առաստաղը փուլ էր եկել։ կարդալ…

 «Էսպերանսա» իսպաներեն նշանակում է հույս, և հնարավոր է այն ամենահարմար անունն է, որը կարող էին տալ ծնողները կոնտրաբասիստ, վոկալիստ և կոմպոզիտոր Էսպերանսա Սպոլդինգին (Esperanza Spalding)։ Ի ծնե շնորհված կատարողականության բնատուր տաղանդով և հիասքանչ վոկալային տվյալներով 26-ամյա երիտասարդը անկասկած իր մեծ ներդրումը կունենա ջազի և գործիքային երաժշտության ապագայում։ Ահա թե ինչ է գրում Էսպերանսայի մասին Seattle Times պարբերականը. «Նա անկրկնելի կատարող է։ Նա կարողանում է միարժամանակ համատեղել նվագը կոնտրաբասի վրա և երգեցողությունը, իսկ երաժշտության կատարողությունը վեր է ածում յուրահատուկ մեկնաբանությամբ պարի… Ժամանակակից ջազում կատարվող իրադարձությունների նրա վերլուծությունը աչքի է ընկնում խորաթափանցությամբ»։

Առաջին հայացքից անհավանական է թվում, որ մեր մոլորակը տարաբնակեցնող սպիտակուցային մարմիններից կազմված բարակ «թաղանթը» կարող է ինչ-որ չափով ազդել այնպիսի գլոբալ բնութագրիչի վրա՝ ինչպիսին Երկրի կլիման է։
Այնուամենայնիվ, հենց այդ «կենսազանգվածը» արդեն մեկ անգամ չէ, որ կտրուկ կերպով կերպարանափոխել է մեր մոլորակի պատկերը՝ մթնոլորտի կազմը, օվկիանոսների միջին ջերմաստիճանը, հողերի կազմը և այլն։ Որոշ ժամանակ առաջ երկրի կլիմայի վրա ազդել են հիմնականում բույսերը և ջրիմուռները, իսկ հիմա հերթը հասել է կենդանիներին, ավելի կոնկրետ՝ դրանցից ամենաակտիվին՝ Բանական Մարդուն։ 
Բայց միթե նա է տաքացման միակ մեղավորը։ կարդալ…

Այսօր բեյսբոլ խաղում են աշխարհի գրեթե 120 երկրներում, սակայն կա մի երկիր, որտեղ այն դուրս է եկել սովորական մարզաձևի սահմաններից, որտեղ այն սիրում և խաղում են բոլորը` անկախ սեռից ու տարիքից, անկախ էթնիկ պատկանելիությունից, որտեղ հանուն նրա կամ նրա պատճառով տեղի են ունենում ամուսնալուծություններ և ինքնասպանություններ, որտեղ այն պարզապես վեր է ածվել ազգային ինքնագիտակցության բաղադրիչի… Իհարկե այդ երկիրը Ամերիկայի Միացյալ Նահանգներն է` բեյսբոլ մարզաձևի հայրենիքը: կարդալ…

Շնորհավորում եմ բոլորի, բոլորի, բոլորի ՆՈՐ ՏԱՐԻՆ, ինչպես նաև Սուրբ Ծնունդը, Հին Նոր Տարին, անգամ Ճագարի տարին, բոլոր ուրախ տոները։ Ցանկանում եմ առողջություն, երջանկություն, խինդ, ծիծաղ, բերկրանք և, ամենակարևորը, հոգու անսահման հանգստություն։

Հուսով եմ, որ ՆՈՐ՝ 2011 թվականին ամեն ինչ բոլորի համար կդառնա ավելի պայծառ ու հաջողակ։ 

Աշխատանքի բերումով վերջին երկու օրվա ընթացքում ուսումնասիրություններ էի կատարում Հրազդան գետի ավազանում՝ Երևանից մինչև Արաքս գետի հետ միախառնվելու հատվածում։ Այնպես էր ստացվել, որ գետի հունին զուընթաց ոտքով անց եմ կացել՝ Երևանյան լճից մինչև Մասիսի տարածաշրջանի Դարբնիկ համայնքն ընկած հատվածը։ Անկեզծ եմ ասում, անգամ չէի պատկերացնում, որ կարող եմ նման բանի ականատեսը լինել։ Հրազդան գետը և նրա ափամերձ տարածքները ներկայումս իրենից ներկայացնում են մի հսկայական աղբանոց։ Ստորև ներկայացնում եմ իրավիճակն առավել հստակ պատկերող նկարներն առանց մեկնաբանությունների։ Նկարները իրական չափերով դիտելու համար դրանց վրա «քլիք» արեք։ կարդալ…

Հարգելի համաքաղաքացիներ, զգուշացեք հայկական տաքսիներից, առավել ևս, եթե դրանք աշխատում են գազով։ Հարցնում եք, ինչն է նման կոչիս համար ազդակ հանդիսացել։ Կասեմ, անգամ ասելիքս կապացուցեմ տեսանյութով։ Միայն թե, ամեն ինչ հերթականությամբ։
Գրեթե մեկ տարի առաջ ականատես եմ եղել, թե ինչպես է Երևանի կենտրոնում՝ Բաղրամյան փողոցի վրա, ավելին՝ հենց Ազգային ժողովի շենքի դիմաց տաքսին ընթացքի ժամանակ բռնկվում և հետո այրվում՝ կարծես «տյարնընդառաջի» ավանդական խարույկ։ Անգամ հասցրել եմ նկարել որոշ պահեր, ինչը մեկ տարի ուշացումով (ավելի շուտ հնարավորություն չունեի) ներկայացնում եմ Ձեզ։ Խնդրում եմ ներողամիտ եղեք տեսանյութի որակի համար, քանի որ այն «նկարահանված» է բջջային հեռախոսով։

Հեռուստատեսությունով հեռարձակվող ցանկացած մարզական միջոցառման կարևորագույն բաղկացուցիչն է մարզական մեկնաբանի մեկնաբանությունը։ Մեկնաբանները մարդիկ, ովքեր մեզ յուրահատուկ գույներով են ներկայացնում մրցախաղը։ Նրանք մեզ զարմացնում են մրցասպարեզում տեղի ունեղող իրադարձությունը բառերի միջոցով այդքան բնական/անբնական ներկայացնելու ունակությամբ/անկարողությամբ։
Նրանցից ոմանց կարծիքները մենք լսում ենք ուշադրությամբ և հաշվի նստում դրանց հետ, իսկ մյուսներին ուղղակի տանել չենք կարողանում։
Շատերի մեկնաբանությունը հողաթափը հեռուստացույցի էկրանին նետելու անզուսպ ցանկություն է առաջ բերում, մյուսներինը ձգում է, ինչպես մագնիս։ 
Ոմանք ուրախացնում են, ոմանք տխրեցնում… կարդալ…

Վաղուց չէի եղել Ծաղկաձորում։ Վերջին անգամ 2003 թ. կուրսով գնացել էինք պրակտիկայի։ Այն ժամանակ Ծաղկաձորը դեռևս չէր վերականգնել ԽՍՀՄ տարիների ձեռք բերած և նրա անկումի հետ կորցրած լեռնային հանգստի կենտրոնի համբավը։ Դեռևս չէր վերանորոգվել ճոպանուղին, չկային «Մուլտի ռեսթ հաուսները», «Ոսկու աշխարհները», «Կեչառիսները» (հյուրանոցը. թե չէ վանական համալիրը հիմադրվել է XI դարում)։ կարդալ…